என் கனவுகளின் சொந்தக்காரன் நீ !!

அன்புள்ள என் நிலவு மன்னவனுக்கு,

உன் வைரமல்லி எழுதுவது. சில நேரங்களில் எனக்கே ஒரு சந்தேகம் வருகிறது. நான் தூங்கும்போதுதான் கனவு காண்கிறேனா? அல்லது விழித்திருக்கும் ஒவ்வொரு நொடியும் உன்னைப் பற்றிய ஏதோ ஒரு கனவுக்குள் வாழ்ந்து கொண்டிருக்கிறேனா?

கனவுகளில் நீ என்னுடையவன். அங்கே உன்னிடம் பேசுவதற்கு எந்தத் தயக்கமும் இல்லை. உன் கண்களைப் பார்த்துப் பேசலாம். உன் கைகளைப் பிடித்துக் கொண்டு எவ்வளவு தூரம் வேண்டுமானாலும் நடக்கலாம். உன் அருகில் அமைதியாக அமர்ந்து இருக்கலாம். சில நேரங்களில் வார்த்தைகள் தேவையே இல்லாமல் போய்விடுகின்றன. ஏனென்றால், என் கனவுகளில் உனக்கும் எனக்கும் நடுவில் எந்தத் தடையும் இல்லை.

ஆனால் கண்களைத் திறந்ததும்...

 எல்லாமே மாறிவிடுகிறது.

நீ உன் உலகத்தில் வாழ்ந்து கொண்டு இருக்கிறாய். நான் என் உலகத்தில் ஏதோ இருக்கிறேன். கனவில் உன்னுடன் பேசிய ஆயிரம் வார்த்தைகளில் ஒன்றைக்கூட நிஜத்தில் உன்னிடம் சொல்ல முடியாமல், என் பேனாவிடம் வந்து புலம்பிக் கொண்டிருக்கிறேன்.

விசித்திரமாக இல்லையா?

கனவில் நீ என்னுடையவன். நிஜத்தில் நீ என் கனவு!

சில கனவுகள் விழித்ததும் மறந்துவிடும். சில கனவுகள் மட்டும் நம்மை விழிக்கவே விடுவதில்லை. உன்னைப் பற்றிய என் கனவுகள் என்னை உறக்கத்திற்கும், விழிப்புக்கும் இடையிலேயே என்னை வைத்திருக்க வேண்டும் என்று ஆசைப்படுவது போலிருக்கிறது.

என் கண்கள் விழித்திருக்கும் வேளைகளில் உன் ஒரு புன்னகை போதும், என் மனதில் எழுதப்படாமல் கிடக்கும் பக்கங்கள் அனைத்தும் தானாகவே நிரம்பிவிடுகின்றன. உன் ஒரு பார்வை போதும், என் கற்பனை உலகத்தின் வானத்தில் எத்தனை நிலவுகள் வேண்டுமானாலும் உதித்துவிடுகின்றன. எனக்கு தெரிந்த வரையில் உன்னை சிரிக்க வைக்கவே முயல்கிறேன். ஆனால் தெரியாமல் நிறைய முறை உன்னைக் கஷ்டப்படுத்துகிறேன் என்பதை அறிகையில் ஒரு வேளை அதனால் தான் விதி நம்மை தள்ளி வைத்து உன்னை என்னிடமிருந்து பாதுகாக்கின்றதோ எனத் தோன்றுகிறது.

நான் எழுதும் ஒவ்வொரு கடிதத்திலும், கவிதையிலும் உன்னைப் பற்றிய ஏதோ ஒரு ரகசியம் ஒரு சிறு குறிப்பாக ஒளிந்திருக்கிறது. சில வரிகளில் என் ஆசைகள் இருக்கின்றன. சில வரிகளில் என் குறும்புகள் இருக்கின்றன. இன்னும் சில வரிகளில், உன்னிடம் சொல்ல நினைத்தும் சொல்லாமல் விட்ட வார்த்தைகள் உன் கண்களிடமிருந்து மறைந்து ஒளிந்து கொண்டு இருக்கின்றன, நீயே கண்டுபிடித்து என்னிடம் சேர்த்து விடுவாய் என்ற ஏக்கத்துடன்.

என்னதான் எழுதினாலும், உன்னை முழுமையாக எழுதிவிட முடியவில்லை. சில மனிதர்களை வார்த்தைகளால் விவரிக்க முடியாது என்பார்கள். ஆனால் நான் தொடர்ந்து போராடிக் கொண்டு இருக்கிறேன், என் கவிதைக் குழந்தைகளின் தந்தையை இந்த உலகிற்கு என் வரிகளால் அறிமுகப்படுத்த..

நிஜத்திற்கும், கனவிற்கும் இடையில் இவ்வளவு அழகான ஒரு உலகம் இருக்கிறது என்று உனக்குத் தெரியுமா? அங்கேதான் நான் உன்னைச் சந்திக்கிறேன். அங்கேதான் உன்னுடன் பேசுகிறேன். அங்கேதான் நீ எனக்குச் சொந்தமாகிறாய்.

அந்த உலகத்திற்கு முகவரி கிடையாது. கதவுகளும் கிடையாது. அனுமதிச் சீட்டும் தேவையில்லை. என் கண்களை மூடினால் போதும். என் மனம் உன்னிடம் வந்து சேர்ந்துவிடும்.

ஆனால் ஒரு சின்னக் குறை இருக்கிறது.

 என் கனவுகளில் உன்னை என்னுடையவனாக வைத்திருக்க முடிகிறது. நிஜத்தில் மட்டும் உன்னை ஒரு கனவாகவே ரசிக்க வேண்டியிருக்கிறது.

அதற்காக நான் வருத்தப்படவில்லை. ஏனென்றால், எல்லாக் கனவுகளும் நனவாகிவிட்டால், அவற்றை நினைத்து மீண்டும் மீண்டும் புன்னகைக்க நமக்கு என்ன மிஞ்சும்? அவ்வப்போது கண்ணீரால் நம் காதலின் பாத சுவடுகளை கழுவுவது எப்படி நடக்கும்?

எனவே, என் நிலவு மன்னவனே... நீ என் நிஜத்தில் ஒரு கனவாகவே இரு. என் கனவுகளில் மட்டும் எனக்குச் சொந்தமானவனாக இரு. அதற்காக நிஜத்தில் அவ்வளவு சீக்கிரம் உன்னை விட்டுக் கொடுத்து விட்டதாய் எண்ணி விடாதே. நான் ஒன்றும் நரி அல்ல.. சீ, சீ இந்த பழம் புளிக்கும் என்று சொல்லி நம்பிக்கையை கை விட்டு புற முதுகு காட்டி ஓடி விட.. உனக்கான பெண் சிங்கம். என் பொறுமையைப் பலவீனமென்று மட்டும் நினைத்துவிடாதே. சரியான தருணம் வரும்வரை காத்திருப்பேன். ஆனால் என் இலக்கை மட்டும் மறந்துவிட மாட்டேன்.

இப்படிக்கு,

உன் நிழலில் தன்னைத் தொலைக்க காத்திருக்கும்,

வைரமல்லி. ❤️      

The Owner of My Dreams      

From Vairamalli to Moon Man — Some dreams don't disappear when we wake up. They simply learn to live inside our hearts.  

I wonder sometimes
if I dream only when I sleep,
or if I spend every waking moment
living in a dream about you.

In my dreams, I can talk to you without hesitation,
hold your hand and walk beside you,
or simply sit with you in silence.

But when I open my eyes,
you return to your world, and I return to mine.

So I pour all the words I cannot tell you
into my letters and poems.

You may be just a dream in my reality,
but don't mistake my patience for giving up.

I'm no fox who walks away when the fruit seems out of reach.
I'm a lioness who knows when to wait and when to make her move.

I may wait for the right moment,
but I never forget what my heart is waiting for.

  - By your Vairamalli… ❤️

💌 Read More Letters:

💌 முன் கடிதம் வாசிக்க..

👉Previous Letter: Even the Blue Ink Blushes Red!

💙 இன்னும் என் காதல் வரிகளை வாசிக்க..

👉 More Love Letters: Love Letters

           உன்னைப் பற்றி எழுதத் தொடங்கினாலே, பக்கங்களுக்கும் வெட்கம் வந்துவிடுகிறது!

ஆறடிதான் என் உலகம்… ஆக, நீ ஒருவனே போதும்,
 என் உலகம் நிரம்பிவிட!

என் காதலின் இறுதி முகவரி.. என் ஆன்மா கண்டடைந்த அமைதியின் முகவரியும் அதுவே..

அன்புள்ள என் நிலவு மன்னவனுக்கு…

சில காதல்கள் இந்த ஜென்மத்தில் தொடங்குவதில்லை.
அவை நம்முடைய ஆன்மா முதல் முறையாக சுவாசித்த, ஒளியைத் தொட்ட அந்த நொடியிலிருந்தே விதைக்கப்பட்டிருக்கின்றன போல. உன்னை நான் நேசிக்கத் தொடங்கியது எப்போது என்று கேட்டால்,
இந்த வாழ்க்கையில் உன்னை பார்த்த நாளைச் சொல்ல முடியாது.
ஏனெனில், அதற்கு முன்பே என் இதயம் உன் வருகைக்காக ஆயிரம் ஆண்டுகள் காத்திருந்ததுபோல் தோன்றுகிறது.

நான் உன்னை சந்திப்பதற்கு முன்னரே, என் தனிமையின் ஒவ்வொரு இரவிலும், என் உள்ளம் உன் உருவத்தைத் தேடி அலைந்து கொண்டு இருந்தது.. என் விரல்கள் உன் கைகளைத் தொடுவதற்கு முன்னரே,
என் ஆன்மா உன் இருப்பின் வடிவத்தை அறிந்திருந்தது.

அதனால் தான், நீ என் வாழ்க்கையில் வந்த நாளில் புதிதாக யாரோ ஒருவர் வந்ததாக இல்லை… தொலைந்து போன என் ஒரு பகுதி என்னை மீண்டும் வந்து சேர்ந்தது போல இருந்தது. உன்னை கனவில் நேசிப்பது எளிதாக இருக்கிறது, என் நிலவு மன்னா. அங்கே பயம் இல்லை. பிரிவின் நிழல் இல்லை. இதயம் உடைந்து விடுமோ என்ற நடுக்கமும் இல்லை.

ஆனால் நிஜத்தில் உன்னை நேசிப்பது.. அது அளவிட முடியாத மென்மையையும், விளக்க முடியாத அச்சத்தையும் கொண்டு வருகிறது. ஏனெனில், நான் மிகவும் நேசிக்கும் ஒன்று என் கைகளில் இருக்கும்போது, அதை தவறுதலாக காயப்படுத்திவிடுவேனோ என்ற பயம் என் விரல்களையே நடுங்கச் செய்கிறது.

சில நேரங்களில்
உன்னிடம்,
எப்படி பேச வேண்டும்,
எப்படி என் அன்பை வெளிப்படுத்த வேண்டும்,

எப்படி மென்மையாய் அணைக்க வேண்டும்,
எப்படி உன் இதயத்தை பாதுகாக்க வேண்டும் என்று தெரியாமல் தவிக்கிறேன்.

அது அன்பு குறைவதால் அல்ல. மாறாக, உன்னிடம் நான் வைத்திருக்கும் அன்பு என் சொற்களையும், என் தைரியத்தையும் விட பெரியதாக இருப்பதால்.

ஆனால் நான் முயற்சி செய்கிறேன்.

பயத்தால் அல்ல, மென்மையால் உன்னை நேசிக்க.
மறைவுகளின்றி என் உண்மையான இதயத்தோடு உன்னிடம் வர.
உன் இதயத்தை முழுமையாக அல்ல என்றாலும்,
முழு நேர்மையோடு கவனமாகத் தாங்கக்கூடியவளாக மாற.

ஏனெனில், இத்தனை கால காத்திருப்பிற்குப் பிறகு நம் காதலை சாதாரணமாக நடத்த என் மனம் சம்மதிக்கவில்லை. நீ என் வாழ்க்கையில் வந்தது ஒரு சந்திப்பு மட்டுமல்ல. என் ஆன்மா ஆயிரம் ஆண்டுகளாகத் தேடிய வீட்டை இறுதியாக கண்டடைந்த தருணம்.

இப்போது எனக்குத் தெரிகிறது… எவ்வளவு பிறவிகள் கடந்தாலும்,
எத்தனை இரவுகள் தனிமையாய் உருகினாலும், என் இதயம் வந்து சேரும் இறுதி இடம் உன் மார்பின் அருகேதான்.

ஏனெனில், என் நிலவு மன்னா...

உன்னை நேசிப்பது
ஒரு உணர்வு அல்ல.

அது என் ஆன்மா
நீண்ட காலமாகத் தேடிய
அமைதியின் முகவரி.

உன்னில் வந்து சேரும் அந்த நொடி தான்,
நான் முழுமையானவளாக உணர்வேன்.

அந்த நொடி முள்ளுக்காய் தவிப்புடன் காத்திருக்கும்,
உன் வைரமல்லி ✍️🌙💙

When My Soul Finally Found You

✨ Read. Feel. Fall in love.

I think a part of me began waiting for you long before this lifetime had a name.

Before my eyes ever knew your face,
my heart had already memorized the quiet comfort of your presence.

You did not enter my life like a stranger.
You arrived like something precious I had lost and somehow found again.

For years, I loved the thought of you in my dreams,
never knowing how tender reality would feel.

Now that you are here,
my love trembles softly in my hands.

Not because it is uncertain,
but because you matter more than words can hold.

So I am learning to love you with a gentler heart,
to set aside fear and choose honesty.

I may not love you flawlessly,
but I will love you with all the sincerity my soul carries.

Because being with you feels like coming home
to the place my heart has been searching for all along.

By,

19. Your Diamond

💌 Read More Letters:

💌 முன் கடிதம் வாசிக்க..

👉Previous Letter: The Silence Between My Letters...

💙 இன்னும் என் காதல் வரிகளை வாசிக்க..

👉 More Love Letters: Love Letters

அன்புள்ள நிலவு மன்னவனுக்கு,