என் நிலவு மனிதனுக்கு,

புரிகிற வயது தான் எனக்கு.. இருந்தாலும் நம் மூதாதையரின் குணம் அவ்வப்போது வெளிப்படும் அல்லவா? நீ எங்கேயோ சந்தோஷமாய் ஏகப்பட்ட நட்சத்திரங்கள் உன்னைச் சுற்றி ஆடி வர, அக்கூட்டத்தின் நடுவில் கண்கள் பளபளக்க நீ நின்றிருக்க, நான் இங்கே கண்களின் ஈரப் பசை உலர்ந்து போனது கூட அறியாமல் உன்னைப் பற்றியே யோசித்து விழி விரித்து சிலையென அமர்ந்திருக்கிறேன்.

ஒரு விஷயம் ஒத்துக் கொள்ளத்தான் வேண்டும். உன்னால் என் வாழ்க்கை மிக எளிமையாய் மாறி விட்டது. கையில் கை பேசி தேவையில்லை. காதுகளில் ஹெட் ஃபோன் தேவையில்லை. தொண தொணத்துக் கொண்டே  இருக்கும் தொல்லைக் காட்சி பெட்டி தேவையில்லை. உன் நினைவுகள் மட்டும் உடனிருந்தால் போதும். நினைத்து நினைத்து சிரிக்க ஓரிரு விஷயங்களா உள்ளது, நம்மிடையே? 24 மணி நேரமும் 2 சொடுக்கு போடுவதற்குள் மாயமாய் மறைந்து விடும். செலவு செய்யத் தேவையில்லாத பொழுது போக்கு அம்சம் நீ..

என் வாழ்க்கையை எளிமையாய் மட்டும் அல்ல, பயனுள்ளதாகவும் மாற்றி விட்டாய். கரோனா வைரஸ் கோடிக்கணக்கில் அவதாரம் எடுத்த போது மாஸ்க் போட்டு வாய் மூடி அதன் முன் மண்டியிட வேண்டியதாயிற்று. அடுத்த அலைக்கு ஆயத்தமாகும் நோக்கில் வாயைக் கட்டி, வயித்தைக் கட்டி சம்பாரித்ததை மீண்டும் வாயைக் கட்டினால்தான் உயிர் வாழ முடியும் என உணர்ந்து எக்கச்சக்கமாய்  மாஸ்க் வாங்கி வைத்தாயிற்று. ஆனால் அதன் பயன்பாடு இப்போதுதான் புரிகிறது.

 உன் நினைவுகளின் தாக்குதலில் நான் வெட்கத்தில் முகம் சிவக்கும் போதெல்லாம் மாஸ்க் தான் என்னுடைய இதழ் மூடி ஆகிறது. நான் வெட்கப்பட்டு சிரிக்கையில் கட்டபொம்மனைக் காட்டிக் கொடுத்த எட்டப்பன் போல் என் கண்கள் காட்டிக் கொடுத்து விடுமோ என்ற பயமும் இருக்கிறது. நீ வேண்டுமானால் சொல்லிக் கொள்ளலாம், நீ ஒரு ரிஸ்க் டேக்கர் என்று. ஆனால் கண்களும் இதழ்களும் போட்டி போட்டுக் கொண்டு என் வெட்கத்தை வெளியே காட்ட முயல்கையில் அதை மறைக்க நான் படும் பாடு இருக்கிறதே உண்மையில் நான் தான் ரிஸ்க் டேக்கர்.

வாழ்க்கையில் சிரிப்பை மட்டுமா மறைக்க வேண்டியதாய் இருக்கிறது? அழுகையையும் தான். உன்னைக் குறை சொல்ல ஏதுமில்லை. பொங்கி பொங்கி அழும் அளவிற்கு ஒன்றும் ஆகவில்லை தான். ஆனால் என் கண்களில் இருந்து ஊற்றெடுக்கிறதே, என்ன செய்ய? நீல் ஆம்ஸ்ட்ராங் முதல் chandraayan 3 வரை உன்னைத் தொட்டு விட்ட மகிழ்ச்சியில் துள்ளிக் குதித்துக் கொள்கிறார்கள். உன்னைத் தீண்ட அந்த நொடி உன் உயிர் வரை வலிப்பதை எவ்வாறு நான் பகிர்வேன்? அந்த தொடுதல் உன் மேனியை தொட்டிருக்கலாம். ஆனால் அதனால் சுட்டு விட்ட காயத்தின் வடு என் மேனியில் அல்லவா உள்ளது?

அந்த நிமிடமே முடிவெடுத்து விட்டேன். உன்னைச் சுற்றி நட்சத்திரங்கள் முதல் நரகாசுர மனிதர்கள் வரை யார் இருந்தாலும் உன்னை சந்திக்கவே போவதில்லையென. எனக்கு நன்றாய் தெரிகிறது, உன்னைத் தொட்டால் எனக்கு சுடுகிறது என்று. அந்த வலியை நேரே உன்னிடம் காட்டி உன்னை நோகடிக்கப் போவதில்லை. உன்னைக் கஷ்டப்படுத்துவது என்பது என் கனவிலும் நினைத்துப் பார்த்திடாத ஒன்று. உன் ரசிகர்கள் உன்னைச் சூழ்ந்து நிற்கையில் நான் ஒதுங்கி நிற்பதுதானே முறை.

அதற்காக நான் தனியே இருப்பதாக நினைத்து வருத்தப்படாதே. உனக்கு loneliness-க்கும், solitude-க்கும் வித்தியாசம் தெரியும் அல்லவா? சிறு வயதில் இருந்தே நான் solitude-ஐ தான் தேர்ந்து எடுத்தேன். எனக்கு நட்பு உறவை பாதுகாப்பதில் நிறைய சிரமங்கள் உண்டு. என்னைத் தேடி நிறைய பேர் வர நான் தனிமையை தேடி ஓடிக் கொண்டிருப்பேன்.

பள்ளிப் பருவத்தில் விவேகானந்தர் என்னுடைய முதல் தோழர். தனியே இருக்கும் நேரமெல்லாம் அவருடன் பேசிக் கொண்டிருப்பேன். குழப்பமாய் இருக்கும் சமயங்களில் எல்லாம் அவருடைய “சிகாகோவிலிருந்து’ புத்தகத்திலிருந்து ரேண்டம்-ஆக ஒரு பக்கத்தை தேர்ந்தெடுத்து வாசிப்பேன். ஏதோ அவரே நேரே வந்து எனக்கு தீர்வு சொல்வது போல இருக்கும். கல்லூரி போகும் சமயங்களில் சேகுவரா என்னுடைய அடுத்த தோழர். அவரை அறிமுகம் செய்து வைத்தது என்னுடைய கல்லூரி நண்பருடைய தந்தை. நானும், அவரும் ஒரு புத்தக கண்காட்சிக்குப் போகையில் ஃபிடல் கேஸ்ட்ரோ-வினுடைய ஒரு குறும்படம் பார்க்க நேர்ந்தது. வரலாற்றில் அதிக கொலை முயற்சிகளில் இருந்து தப்பியவர் யார் எனக் கேட்டால் பிடல் காஸ்ட்ரோஎன்று பதில் வரும். கியூபா அரசாங்கத்தின் கூற்றுப்படி, பிடல் காஸ்ட்ரோ 600 க்கும் மேற்பட்ட படுகொலை முயற்சிகளில் இருந்து தப்பியவர். இது குறித்து ஒரு நகைச்சுவையில், உலகிலேயே அதிக நாள் உயிர் வாழும் ஒரு கடல் ஆமையை பரிசாக ஏற்க மறுக்கிறார், காஸ்ட்ரோ. ஏனெனில் அந்த ஆமையை செல்லப் பிராணியாக வளர்த்து அது தமக்கு  முன் இறந்துவிடில் தன் மனது மிகவும் வருத்தப்படும், ஆகவே தனக்கு அந்த ஆமை பரிசாக வேண்டாம் என்று அவர் கூறுவதாக ஒரு நகைச்சுவை துணுக்கு உலா வரும் அளவிற்கு அவர் அதிக முறை உயிர் தப்பித்து நீண்ட நாள் வாழ்ந்தவர்.

ஆனால் அவரை விட அவருடைய தோழரான சேகுவரா என்னை கவர்ந்தார். அவரை அடுத்து எனக்கு தோழர்கள் இல்லை. காதலர்கள் தான்.. அதுவும் வெறும் ஐந்து பேர் மட்டும் தான்...

கண்களில் குறும்பு கொப்பளிக்க கணக்கில்லாமல்  பொய்க்கதை புனையும் Mr. Manoj Bajpayee (The Family Man – Web series)…. அதிகப்படியாய் அப்பாவித்தனம் – எதையும் அவர் பாணியில் புரிந்து கொள்ளும் Mr. Bhaarath (Finally– YouTube)…. அலாவுதீனின் அற்புத விளக்கு பூதம் - அண்டை நாட்டு மன்மதன் Mr. Will Smith (Aladdin - Film).... உச்சஸ்தாயில் கத்திப் பாடினாலும் ரசிக்க வைக்கும் திருட்டு விழிக்காரன் Mr. Alexander Babu (Alex in Wonderland – Musical Standup)…. வதனமே பார்க்கவில்லை - எனினும் நகையோடும் வார்த்தைகளிலேயே காதல் கொள்ளச் செய்யும் கனத்த குரலுக்குச் சொந்தக்காரன்  Mr. Vicky (தமிழ் Info – YouTube) என பஞ்ச பாண்டவக் காதலர்கள் இவர்கள் ஐந்து பேர் உண்டு, இந்த கணினி யுகப் பாஞ்சாலிக்கு!!!

இது எல்லாம் உருவம் பார்த்து வந்த காதல். உன்னை பார்த்த பின் வந்த காதல் தான் உயிர் வரை இனிக்கிறது. அதை திகட்டிப் போகும் அளவிற்கு திருப்பிக் கொடுக்கும் வல்லமை உனக்கு இருக்கிறதா? சவாலுடன் முடிக்கிறேன்,

                                           உன் உயிர்க் காதலி

                                           வைரமல்லி  

 

 

                                         

 

 

 

Hey My Moon Man,

I am old enough to understand.. but the character of our ancestors is revealed from time to time, isn't it? You are somewhere where the stars are dancing around you happily  and you are standing in the middle of the crowd with your sparkling eyes. But I am sitting here like a statue and thinking about you without knowing the wetness of my eyes has dried.

One thing must be agreed upon. You have made my life so much easier. No need to have a mobile phone in hand. No need for  headphones. No need for annoying visual devices like T.V. Just having your memories with me is enough. Do we have one or two things  between us to remember at? There are enormous secret words, action and songs among us. 24 hours will magically disappear within 2 snaps. You are my entertainment feature that doesn't need to cost ..

You have made my life not only simple but also useful. When the coronavirus emerged in the billions, we had to wear masks and cover our mouths and kneel before it.To prepare for the next wave, I bought so much, But its usefulness is only now understood.

Whenever I blush in shy at the onslaught of your memories, the mask became my lip concealer. but sometimes I am afraid that my eyes will betray me when I smile shyly, like the Ettappan who betrayed Kattabomman. You can say that you are a risk taker. But when my eyes and my lips compete to show off my shyness, I struggle to hide it. In my life, I am a risk taker than you.

 

Is there only laughter in life, have to be hide?  Tears too. Nothing to blame you for. Nothing happened to the point of crying. But the eyes sheded tears and the heart is grieved. what to do? From Neil Amstrong to Chandraayan 3, they jumped for joy after touching you. How can I share that moment that touched you that hurt me? That touch may have touched your skin. But the scar of the gunshot wound is on my skin.

I made up my mind at that moment. No matter who surrounds you from the stars to the hellish people, I will never meet you in the crowd. I know very well that touching you makes me burn. I am not going to hurt you by showing  that pain in person. To make you suffer is something I never dreamed of. It's time for me to stand aside while your fans surround you.

Don't feel bad that I'm alone. Do you know the difference between loneliness and solitude? I have a lot of difficulty in maintaining friendships. I am running in search of solitude, though so many people to come looking for my friendship. It's my nature. I like talking to myself better than talking to people.

I chose solitude from my young age. Swami Vivekananda was my first friend in school. I used to talk to him whenever I was alone. Whenever I am confused, I read a random page from his book “Chicago Addresses”. It's almost as if he himself came and gave me a solution. Che guevara was my second best friend when I went to college. My friend's father introduced him. He and I were going to a book fair and happened to see a short film  of Fidel Castro. If you ask who has survived the most assassination attempts in history, the answer is Fidel Castro.

According to the Cuban government, Fidel Castro survived more than 600 assassination attempts. In a joke about it, Castro refused to accept the world's longest-living sea turtle as a gift. Because he would be so heartbroken if he kept the turtle as a pet and it died before him. So, he didn't want the turtle as a gift, because he survived for so long.

 

But his revolutionary friend Che guevara impressed me more than him. I have no companions after him. Just lovers.. that's just five people... A man who has  mischievous in his eyes and creating funny story -  Mr. Manoj Bajpayee (The Family Man – Web series)…. Too much naivety –he understand all thing in his style Mr. Bhaarath (Finally– YouTube)…. Alauddin's wonderful lamp-goblin - Neighbor country's cupid Mr. Will Smith(Aladdin - Film)....A man who has a stealthy sight and sings at the high pitch of his voice and is entertaining - Mr. Alexander Babu (Alex in Wonderland – Musical Standup)…. I don't know what he looks like. but he has a heavy voice that makes you fall in love with his sense of humour - Mr.Vicky (Tamil Info – YouTube).

Those are the Pancha Pandava Lovers of this Digital Age Panjali !!! This all love is short term passion. The love that comes after seeing you is the sweetest and longest in my life. Do you have the power to give it back to me abundantly than me? Let me end with a challenge,

 

                                                                                                     

                                          With Love,

                          Your Diamond Jasmine..

 

என் நிலவு மனிதா,

ஒவ்வொரு முறையும் என்னுடையவன் என்று நினைத்து தான் எழுத ஆரம்பிக்கிறேன். ஆனால் நீ அவ்வாறு நினைப்பதில்லையோ என்ற சந்தேகம் நாளுக்கு நாள் வலுத்து வருகிறது. உன்னிடம் அப்படி என்ன நான் பெரிதாய் எதிர்பார்க்கப் போகிறேன். வானம் அளவுக்கு வீடா? நட்சத்திரங்கள் அளவுக்கு வைர நகைகளா? இல்லையே. ஒரு மின்மினிப் பூச்சி அளவுக்கு தானே உன்னிடம் காதலை கேட்டேன்.

நான் உன்னுடைய உடைமை என்ற அக்கறை துளி கூட இல்லை, உன்னிடம். யார் என்னை அழைத்துப் போனாலும் 'உனக்கென்ன தோன்றுகிறதோ அதை செய்' என்ற மனோபாவத்துடன் அமைதியாய் உன் அரியணையில் அமர்ந்திருக்கிறாய். இது உச்ச கட்ட சுதந்திரத்தின் வெளிப்பாடா? இல்லை உனக்கும் எனக்கும் அவ்வளவு நெருக்கம் இல்லை என்பதைக் காட்டுகிறதா?

உன்னிடம் நான் சலுகைகள் கேட்கவில்லையே.. என்னிடம் உரிமை எடுத்துக் கொள் என்று தானே யாசிக்கிறேன். ஒவ்வொரு முடிவை எடுக்கும் முன்பும் உன்னிடம் தான் ஓடோடி வர, அனுமதி பெற ஆசையாய் உள்ளது. ஆனால் நீயோ இருக்கும் எல்லா மேகப் பஞ்சையும் எடுத்து வாய்க்குள் திணித்தது போல வாய் மூடி மௌனமாய் இருக்கிறாய்.

என் கோபம் எப்படி இருக்கும், எவ்வளவு நாள் தாங்கும் என்பது உனக்கே தெரியும். பாதுஷா மேல் உள்ள சர்க்கரை படிமம் போல தான் என் கோபம். பார்க்க மட்டும் தான் கரடு முரடாய் தெரியும். ஆனால் உதிர்த்து விட்டு பிய்த்தால் உள்ளே இருக்குமே மிக பாந்தமாய் அது போல மிக மிக மிருதுவானது உன் மீது நான் கொண்ட காதல்.

இனி இந்த ஜென்மம் முழுக்க உன் காதலோடு தான் வாழப் போகிறேன் என்பது எப்போதோ முடிவாயிற்று. பின் எப்படி உன்னை வெறுக்க முடியும்? உனக்கு எவ்வளவோ வாய்ப்புகள் இருக்கலாம். உன் ரசனை வேறு மாதிரி கூட இருக்கலாம். கொஞ்சம் மோசமான ரசனை தான் போல உனக்கு. உன் விமர்சனங்களைப் பார்த்த பிறகு எனக்கும் அது புரிகிறது, உன் ரசனை என்னவென்று. உன் விருப்பம் உன்னோடு. என் காதல் உன்னோடு.

விலக்கி வைத்தலின் வலி என்னவென்று இப்போது எனக்குப் புரிகிறது. என் பிறந்த நாளுக்கு வாழ்த்து சொல்பவர்களுக்குக் கூட நான் பதில் அனுப்பியதில்லை. எத்தனையோ நட்புகள் வலிய வந்து கை குலுக்கினாலும் ஏனோ என் கையை நான் பின்னுக்கிழுத்து கொள்வேன். எனக்கு என்னிடம் உள்ள உன்னிடம் பேசவே நேரம் சரியாய் இருக்கும் பொழுது எவ்வாறு மற்ற உறவுகளுக்கு நேரம் ஒதுக்குவது?

எனக்காக நேரம் ஒதுக்கி, உரிமையாய் சண்டையிட்டு, என் முன்னேற்றத்தில் அக்கறை காட்டி இன்னும் எவ்வளவோ செய்ய முயன்ற என் நண்பர்களுக்கு என் மௌனத்தை மட்டுமே நான் பதிலாய் தந்திருக்கிறேன். அது எவ்வாறு வலிக்கும், காயப்படுத்தும் என்பதை அறியாமல் நான் செய்த பிழைக்கு நீ தண்டனை கொடுத்து விட்டாய். தெய்வம் நின்று கொல்லுமாம், பொறுமையாய். நீயும் கொல்கிறாய் என்னோடு என் பொறுமையையும்.

உனக்குத் தெரியுமா? உன்னுடைய பதிலைப் பொறுத்தே என் வாழ்க்கை வண்ணமயம் ஆவதும், ஒளி குன்றிப் போவதும். என்னுடைய உற்சாகம் வடிவதும் வளர்வதும் உன் ஒற்றை பதிலில் தான் உள்ளது. எங்கேயோ இருந்து கொண்டு என்னை மொத்தமாய் முழுவதுமாய் ஆட்டிப் படைக்கிறாய். உன்னை மறக்கவே நிறைய விஷயங்களில் என்னை ஈடுபடுத்திக் கொண்டுள்ளேன். இப்படியே போனால் உலகில் உள்ள அனைத்து விஷயங்களையும் ஒரு நாள்  கற்றுக் கொண்டுவிடுவேன் என நினைக்கிறேன். பின்னே? நீதான் எப்போதும், என்றென்றும் பதில் பேசவே போவதில்லையே.

நீ நிலா. அனைவருக்குமானவன். எனக்கு மட்டும் என்று சொல்லிக் கொண்டு என் வீட்டு லாந்தர் விளக்கில் உன்னை அடைத்து வைக்க எனக்கு விருப்பமில்லை. நான் வேண்டுமானால் உன்னை மட்டுமே சுற்றி சுற்றி வரும் கூண்டுக் கிளியாகவே இருந்து விட்டுப் போகிறேன். முடிந்தால் என் வீட்டு ஜன்னலின் வழி தெரியும் தென்னங்கீற்றுகளின் இடைவெளியில் எப்போதாவது வந்து உன் முகத்தை காட்டி விட்டுப் போ. காதல் இல்லாவிட்டாலும் பரவாயில்லை. உன் கருணையையாவது கொஞ்சம் சாரலாய் வீசி விட்டுப் போ. அந்த ஒரு துளியிலாவது என்னுடைய archived செடியில் ஒரு பூ பூக்கும் என்ற நம்பிக்கையுடன்,

                     கொஞ்சம் கோபத்துடன், நிறைய காதலுடன்,

                            உன்னுடைய வைர மல்லி.

 

Waiting for My Archived plant to bloom a Flower..

Hey My Moon Man,

Every time I start writing by thinking that you are mine. But the suspicion that you don't think so is getting stronger day by day. what am I going to expect from you? A house as big as the sky? Diamond jewelry as much as stars? Nope. I asked you for love as much as a size of firefly.

You don't even care that I am your possession. No matter who takes me, you sit quietly on your throne with the attitude of 'Do what you like'. Is this an expression of extreme freedom? or does it show that you and I are not that much close?

I am not asking you for favors. I am requesting you to take ownership of me. I want to run to you and seek your permission before making every decision. But you keep your mouth shut as if you have taken all the cloud and stuffed it in your mouth.

 

You know how my anger is and how long it lasts. My anger is like a lump of sugar on a badusha. Just by looking you may tell the rough and tumble. But if you let it shed, inside of that, so soft, like that my love for you is so soft.

 

I have decided that I am going to live with your love for the rest of my life. Then how can I hate you? You may have so many opportunities. Your taste may be different.  You seem to have bad taste. After reading your comments I also understand what your taste is. Your will is with you. My love is with you.

 

Now I understand the pain of exclusion. I never even replied to my birthday wishes. So many friendships come and shake hands, I always pull my hand back. How can I make time for other relationships when the only time I have is to talk to you? (in my mind only, I talk with you)

 

I have only returned my silence to those persons who took time for me, cared about my progress and did so much more. You punished me for that mistake I made without knowing how it would hurt those persons. God will stand and kill, patiently. You are also killing me and also my patience.

 

Do you know one thing? Depending on your reply, my life becomes either colorful or darkened. My enthusiasm is fully depending upon only in your single answer. From somewhere you are there, but here you are making me completely and utterly crazy.

I have involved myself in many things to forget you. If I keep going like this, I think one day I will learn everything in the world. Then? You are the one who will never, ever answer for my question.

 

You are the moon. And you are for everyone. I don't want to lock you  in the lantern of my house saying that you are only to me. Only thing I can do is that I roam around you as a caged parrot circling around.

 

If possible, come and show your face in the space of the coconut tree's leaves that can be seen from the window of my house. It doesn't matter  if there is no love. Throw away your kindness at least a little. Hoping that at least one drop of your kindness will make my archived plant will bloom a flower,

                                                     

                                                     With a Little anger, A Lot of love,

                                                         Your Diamond Jasmine.